Sabay-sabay na kaming dumiretso sa parking lot pagkatapos mag umagahan. At dahil katabi lang ng pickup truck ni PJ ang sasakyan ni Kuya MJ ay sumama na ito sa amin.
Magkatabi sina PJ at Kuya MJ maglakad. Hindi ko alam kung anong pinaguusapan nila pero mukhang seryoso ito dahil hindi naman tumatawa si Kuya MJ, which is rare. Hindi naman siguro sasabihin ni PJ ang nangyari kagabi sa pagitan namin. Alam naman niyang numero unong mapangasar si Kuya MJ. ‘Yung catwoman costume ko pa nga lang ay hindi na niya pinalusot, pagtulog pa kaya namin nang magkasama?
“Saan ka pala natulog kagabi?” biglang tanong ni Gab na muntik nang magpatalon sa akin. Nakalimutan kong kasama pala namin siyang maglakad dahil kanina pa siya tahimik.
Hindi siya nagsasalita kahit noong magkakasama kami sa restaurant. H
