Roel's POV
Ang gabi ng Ms. San Juan coronation ay tapos na, pero hindi pa rin matanggal sa isip ko ang nangyari. Habang naglalakad ako pauwi, naaalala ko yung eksena kung saan biglang yumakap sa akin si Diana. Hindi ko alam kung nagulat siya, pero siguradong nagulat din ako. Ramdam ko pa rin ang bigat ng yakap niya, parang may mga salitang hindi na kailangan pang sabihin.
Pagdating ko sa bahay, agad akong dumiretso sa kwarto. Bumagsak ako sa kama, pero kahit pagod na pagod na ako, hindi ako makatulog. Naiisip ko pa rin si Diana, yung itsura niya kanina habang pinapalakpakan namin si Lycka. Parang may iniisip siya na hindi niya masabi. At nung yakapin niya ako, bakit parang may naramdaman akong iba?
"Hindi pwede 'to," bulong ko sa sarili ko. "Kailangan kong itigil 'to. Baka napapadalas n
