MASYADO yata silang nalibang ni Doc Anne sa pagku-kwentuhan at hindi nila namalayan na mag-uumpisa na pala ang party. At nang sandaling iyon ay do'n din niya na-realize na hindi pa bumabalik si Raven sa mesa niya gaya ng sinabi nito sa kanya. Sinubukan naman niyang iginala ang tingin sa paligid para hanapin ito pero dahil sa dami ng bisita ay hindi niya ito makita. Gusto din naman niyang i-text ito pero hindi niya dala ang cellphone.
At mayamaya ay napatingin si Selena kay Doc Anne ng marinig ang pagtunog ng cellphone nito.
At nang sumulyap siya dito ay napansin niya ang pagkunot ng noo nito. Sinulyapan pa nga siya nito bago sinagot ang tawag.
"What?" tanong nito mula sa kabilang linya. Hindi ito sumagot, mukhang pinapakinggan nito ang sinasabi ng kausap. "Okay. I will hand my phone
