Pagkasabi niyon ni Miguel kay Rough ay agad namang tinawagan ng mga ito ang lahat ng makatutulong sa kanila. Ang mga pulis ay kaagad pumunta sa kung saan-saang panig ng lugar na puwedeng malusutan ng mga Franco.
Naging alerto na ang lahat sa daungan ng mga barko. Pati airport ay maraming mga pulis at sundalo na nakabantay. May mga checkpoint na sa daan at hindi pinalampas ni Miguel ang bahay ng mga Franco. Pagkatapos niyang malaman sa asawa niya na malaki ang kasalanan ng mga ito ay kaagad niyang sinabihan si Rough na tumawag ng pulis.
Kaya pala nang makita siyang nagbabantay sa asawa niyang si Oceana sa hospital ay may naaninag siya sa mga mata ng dalawang matanda na kaba at biglang nataranta ang mga ito nang makita siya. Hindi pa makatingin sa kaniya nang diretso.
Ang mga walang h
