Kabanata 23
"Sh*t!" sigaw ni Betty. Napilayan kasi ang kanang paa niya nang tumalon siya sa isang palapag ng building kanina. Duguan rin ang damit niya at kamay dulot ng tumalsik na dugo sa babaeng sinaksak niya. Ayaw kasi siya nitong papasukin kaya wala siyang ibang pagpipilian kung hindi ang saktan ito.
Nandito na siya sa isang abandonadong bodega kasama ang kanyang tatlong tauhan na tumulong sa kanya kanina. Kasama rin nila si Xiander na kinidnap nila.
Kaninang tanghali, nasa Montenegro University si Betty. May inutos kasi si Belinda na kukunin doon. Pagdating niya roon, aksidente niyang nakita si Xiander na may katawag. May bakas na pangamba ang mukha ng binata kaya pasekreto siyang lumapit dito, gusto niya itong mapakinggan. Narinig niya ang usapan ng magkapatid, doon niya rin nala
