“Hindi iba ‘yun, Aikira. Hanggang ngayon ‘yun pa rin ang pinanghahawakan ko sa ating dalawa,” malambing na sabi ni Daven na nagpakunot ng noo ni Aikira.
“Naririnig mo ba ang sinasabi mo, Daven? Ilang beses ko bang uulitin na hindi na nga kita mahal? Hindi ba ikaw na nga ang nagsabi sa akin na hindi mo na rin ako mahal? Ano pala ang ginagawa mo ngayon? Hindi ka ba nahihiya sa sarili mo?” Napatigil si Daven at hindi makatingin sa mga mata ni Aikira. “Meron kang kasintahan, Daven. Alam mo sana ‘yun,” dagdag pa ni Aikira. Dahil sa sinabi ni Aikira ay nagkaroon ng lakas ng loob si Daven para tumingin sa mga mata ni Aikira.
“Matagal na kaming wala ni Samantha.” Napailing si Aikira at tumalikod kay Daven.
“Kaya pala lumalapit ka sa akin dahil wala na kayo.” Pagkaharap ni Aikira kay Da
