"OH, A-ANAK, saan ka pupunta? Ang gabi na oh," katanungan ni Inay nang makita niya akong nakabihis panglakad ngayon.
Ngumisi ako sa kaniya upang magpaalam. "Pasensya na, 'nay. Kailangan kong pumunta ulit kina Wayne. Ayon na naman kasi, naglilihi na naman."
"Naku naman talaga sa buntis na iyon. Ikaw pa talaga at si Travester ang pinaglilihian. Hindi na ako magtataka kung may posibilidad na mamana iyang kagandahan at kagwapuhan ninyong dalawa ni Travester sa kambal nila."
"Inay, hayaan na natin. Mahirap nang may mangyari pang masama sa kaibigan ko kung aayawan ko ang pagparoon sa kanila at isa pa po, kapag nanganak na siya sa kambal, magiging okay na rin po ang lahat. Hindi na po siya maglilihi sa akin at kay Travester."
"Oh sige na, pumanhik ka na roon." Agad naman akong nagmano kay Ina
