Hindi kaagad nakapagsalita si Liz nang imbis na ang mag-iinang Jazmine, Jordan at Violette ang makatagpo sa restaurant ay si Matt, ang teacher ni Jordan, ang kaharap niya ngayon.
“H-Hi,” alanganing bati niya saka niya itinuro ang upuan sa harap niya.
“Oh, thank you,” nakangiting anas nito saka umupo bago tila excited na tumitig sa kaniya na medyo ikinailang niya. “I startled you, I guess. I’m sorry. To be honest, I’ve been asking Jazmine and Gary to set us up. I was actually waiting for you sa party pero hindi ka naman dumating,” nakangiting paliwanag nito. Marahil ay naaninag nito ang pagkabigla at pagtataka sa mukha niya.
Nag-alis siya ng bikig sa lalamunan. Naalala niyang hindi nga pala niya pupuwedeng idahilan na mayroon na siyang nobyo na nasa Dubai dahil alam na nina Gary ang tot
