'RUSSEL GUEVARRA'
Tulala lamang akong nakatitig sa malaking vanity mirror kung saan ako nakaharap ngayon. Mula rito, kitang-kita ko ang kasuklam-suklam, karima-rimarim at kahindik-hindik na nangyayari sa aking likuran.
"Iyong concealer! Nasaan 'yong concealer!?" tili ni Meme Cardi V na nakatuwad na sa sahig habang kumakapa-kapa sa ilalim ng couch pero ang totoo ay umaariba na naman ang kaharutan niya.
"Meme? Ito 'yong concealer oh," sabi ko sabay taas ng concealer na kanina pa niya hinahanap.
Umangat naman ang ulo nito saka tumingin sa akin at sa concealer na hawak ko.
"Ayy! Bakit nandiyan iyan? Pero mas maganda talaga 'yong concealer stick na gumulong dito," sabi niya saka yumuko ulit at inilapit na naman ng mukha niya sa couch.
Pigil tawa naman akong umirap sa kaniya mula sa vanit
