Weeks Earlier...
Wendy's POV
"Love... gising ka na. Naghihintay na ang baby natin."
Hinawakan ko ang kamay ni Paulo at hinimas ito sa tiyan ko. Isang linggo na ang lumipas nang mabalitaan kong buntis ako.
Sa totoo lang, nagulat ako. Hindi iyon planado, wala pa sa plano namin ni Paulo ang mag-anak, pero dahil nandito na 'to, tinanggap ko na agad nang buong-buo. Ang tanging hiling ko na lang ngayon ay gumising na si Paulo, lalo't may sanggol na rin na naghihintay sa kanya.
"Excited na 'kong pag-usapan nating dalawa kung anong ipapangalan natin sa kanya. Gusto kong magpa-ultrasound kasama ka, 'tapos bibili tayo ng mga gamit ni baby. Please... gumising ka na." Kumurap-kurap ako sa muling pag-init ng mga mata ko.
Huminga ako nang malalim at binaling na lang ang tingin kay Karmina na nasa
