“Xianel, may pinuntahan ka ba kahapon?” Nangunot naman ang aking noo sa aking narinig at hindi ko maiwasang kabahan dahil kahapon ay galing kami sa Pangasinan ni sir.
Kahit medyo kinabahan ako, pinanatili kong kalmado ang aking mukha at sarili. Baka magmukha akong defensive kung sakali man na biglaan akong mag-react.
“Nasa condo lang ako maghapon.” Tumingin ako sa kaniya at tinaasan siya ng kilay. “Bakit?”
“Para kasing nakita kita sa Pangasinan kahapon kasama si sir,” nalilito niyang sagot sa akin.
Paano niya kami nakita? Ibig bang sabihin nagpunta rin siya sa Pangasinan? Wala akong naaalalang may kamag-anak siya roon kaya alanganing may bibisitahin siya.
“Bakit mo naman nasabing kasama ko si sir? Sira ka talaga,” naiiling kong tanong sa kaniya. “Hindi ako umalis ng condo ko. Bored na
