DISMAYADO SI Elle nang makompirma niya mismo sa balita na hindi sina Gelo at Deina ang nasangkot sa aksidente. "Stupid!" hindi napigilang pagmura niya sa kawalan habang naghahapunan kasama sina Angelie at Jeremiah.
"O, bakit?"
"Ah, e, nakakainis naman kasing mga balita 'yan, puro na lang aksidente," pagpapalusot niya. Bagay na ikinailing lamang ni Jeremiah.
"Pati ba naman 'yan ay poproblemahin mo."
Maya-maya pa'y natunugan niya ang pagtawag ni Claudine. Dahilan para sandali niyang iwanan ang dalawa sa hapagkainan. "Excuse me, I have to answer the call."
Nang makarating siya sa may labas ay sinigurado niyang mahina ang boses niya ngunit nananaig pa rin doon ang gigil. "Ma'am, ibang tao po ang naaksidente at hindi sila Sir Gelo."
"Alam ko na, gaga. Kapapanuod ko lang sa balita. Babaga
