Chapter 29.2
Pamilya
Hinayaan muna akong mamili ni Raven sa Watson. Sabi ko kasi sa kaniya, nakalimutan kong magmadala no’ng skincare ko. Sabi ko lang naman, bibili ako ng kaunti. Ang sir, gusto pa yata akong bumili nang marami. Balak pa yata akong patirahin sa bahay niya. Hanggang bukas lang naman ako mang-aabala.
“CJ, kumusta kayo diyan? Nag-agahan na ba kayo?”
Sinabi ko kay Raven, kita na lang kami rito sa Burger King. Napansin ko na medyo matagal pa siya kaya tinawagan ko na `yong mga bata para mangamusta.
“Oo. Si Cara, lumabas na muna. Bibili raw ng project niya.”
“Sige lang. Si mama, umuwi ba?”
“Oo… hinahanap ka.”
Namutla akong bigla. “Ano’ng sabi mo?”
“Sabi ko, may trabaho ka. Ate, alam mo bang naghalughog si mama rito kanina ng gamit?”
Nanlaki na `yong mga mata ko. “Ano
