JOSEPH'S POV...
HINDI na ako nakatulog matapos kong mabasa ang kuwento sa libro. Madilim pa ay naghanda na ako, para puntahan si Maria sa Apartment niya. Kailangan ko ang tulong ni Maria, para mahanap ko si Zafina.
Mabilis akong naligo at nagbihis. Nag suot lang ako ng bermuda shorts at polo, dahil hindi naman ako papasok sa opisina. Bumaba ako ng bahay at mabilis na lumabas. Para akong hinahabol sa bilis kong makarating sa sasakyan ko. Pina andar ko ang kotse ko at binuksan ang gate, saka ako lumabas.
Ang lakas ng kaba sa aking dibdib, dahil sa halo-halo kong nararamdaman. Excited ako na kinakabahan. Kaliligo ko lang, pero pinagpapawisan na naman ako. Naka full na rin ang aircon ng kotse ko, pero mainit pa rin ang pakiramdam ko. Mabilis kong pinatakbo ang kotse ko, patungo sa lugar
