♛♕♛
Napailing si Richard at hindi maiwasan mapangiti habang tanaw-tanaw niya ang training ground kung saan nakatayo ang kwardra na kinaroroonan ng dalawa. Malalim na ang gabi at sobrang lakas pa ng nyebe sa labas ngunit alam niyang hindi naman lalamigin ang dalawa sa loob ng lugar na iyon.
"Kabataan nga naman," bulong niya sa kaniyang sarili sabay lakad papalabas ng kaniyang silid at sa mahabang pasilyo ay bigla siyang napalingon sa dulong bahagi ninto kung saan mayroon siyang naaninang na liwanag na papalayo na sa kaniyang kinatatayuan.
Tinawanag ng liwanag na iyon ang kuryosidad niya, marahan niya itong sinundan at nakita ang isang lalaki na pababa ng hagdan habang may hawak-hawak na lampara. Kumunot ang noo ni Richard habang minumukhaan kung sino ang lalaking ito na gising pa rin sa
