♛♕♛
"My lady, na rito na po ang inyong hapunan," bati ng isang katulong sa labas ng kaniyang silid, sandaling bumangon si Adelle sa kaniyang kama at umayos ng upo. "Pasok," sagot niya at marahan naman pinihit ng katulong ang seredula ng pinto upang buksan ito.
Na unang pumasok ang isang maliit na cart kung saan nakalagay ang mga nakahandang pagkain ng dalaga. "Oh, ikaw pala 'yan Erika," saad ni Adelle at tumango naman ang katulong sa kaniya saka inayos ang mga pagkain sa ibabaw ng bilog na mesa.
"Dito ka na muna raw po kumain sa inyong silid, pinag-uutos ng Earl." Inilapag niya bawat putahe sa maganda at maayos na pwesto, isang paalala na isang maharlika ang kaniyang pinagsisilbihan.
"Maraming salamat Erika," sagot naman ni Adelle at aktong tatayo upang magtungo sa harap ng lamesa ngu
