HINDI KO ALAM kung ano ang eksaktong problem pero alam kong may mali.
Hindi tama na mag-isa lang akong nagmamadaling sumakay sa taxi na ito, pero pagkalipas ng isang minuto, naggigitgitan na kami ng mga katabi kong kung sinu-sino.
Hindi tama na nung tignan ko ‘yong driver, may katawan sya ng tao pero may ulo siya ng aso.
Pero mas hindi naman tama na kesa kumahol sya, tinanong niya ko, "Saan ka, Miss?"
Puta!
"Mary of Calcutta po," sagot ko na lang ng malakas kasi ang ingay-ingay ng mga kasama ko. May kasama pang bata na umiiyak.
Idinaan ko na lang sa pikit ng mata yung ingay nila. Kunwari hindi ko sila naririnig kahit na ang totoo naririndi ako. Dami ko kayang iniisip, si Todd... Ako... Si Alexis... si Ren...
Mga siguro trenta-minuto rin mula noong sumakay ako sa sasakyang ‘yon bago
