ZERRA NICOLE'S POV
Dahan-dahan akong nagmulat ng mga mata, na muli kong ipinikit nang tumama sa mukha ko ang sinag ng araw na nagmumula sa bintana ng kuwarto ko. Tangka akong babangon ng may mabigat na bagay na tila nakadagan sa bandang tiyan at hita ko. Mabagal ang kilos na tiningnan ko iyon, hindi pala bagay kun'di braso at hita ang nakadagan sa akin.
Ang nobyo kong si Drake ang nagmamay-ari niyon, at himbing na himbing itong natutulog habang nakasiksik sa may leeg ko ang ulo nito.
Tumatama sa mukha ko ang hininga nito. Hindi na ako nagtaka na mamulatan ito sa tabi ko dahil tila nag-flash back lahat ang ginawa namin kagabi. Kanina pala, dahil aminado akong inumaga na kami sa ginawa namin.
Titig na titig ako rito. Napaka-amo ng mukha nito. At masarap pala sa pakiramdam na itong lalak
