CHAPTER 18
ANO?! Pinapaalis ka na dito ni Fonya Olivia? Pero bakit? Saan ka na niyan ngayon?"
"Uuwi ho sa bahay, doon na ulit ako titira, alam kong medyo malayo pero kakayanin naman siguro ng oras ko, Manang Fe, Manang Lodie."
"Naku! Alam na ba ito ni Alfonso?"
"Wala po akong balak na sabihin, alam kong magagalit iyon kapag nalaman niya ang tungkol dito."
Rinig na rinig mismo ng dalawa kong tenga ang pinag-uusapan ng tatlo sa loob ng kusina. Napa-yukom ako dahil sa sobrang inis at galit.
"H'wag na ho muna nating pag-usapan ang bagay na ito baka mamaya susulpot bigla si Alfonso at magagalit iyon sa ina nya."
Pilit kong pakalmahin ang aking sarili, ayaw kong malaman ni Isabela ang narinig kong usapan nila. Ma
