ESRAEL
“Wala na si Charry?” usal ni Isabella nang aminin ko sa kanya ang tungkol kay Charry. Nandito kami sa kuwarto at ipinagtapat ko na sa kanya ang tungkol kay Charry dahil nakumpirma na mismo namin ni Daddy ang pagkamatay nito. Nakasama daw ito sa bumagsak na eroplano patungong Malaysia. Noong una ay hindi rin ako makapaniwala. Ngunit kinumpirma mismo ito ng kanyang ama na nakita pa sa CTTV ang pagsakay nito sa Mindanao airport ng eroplano gamit ang ibang pangalan. Ilang araw mula ngayon ay maglalabas na si Mayor ng kanyang statement tungkol sa pumanaw niyang anak.
“Bakit hindi mo sinabi sa akin?” tanong niya. Dalawang lingo mula nang ma-aksidente ako ay nandito na kami sa bahay nila mommy upang magpagaling. At tatlong araw na mula nang pumutok ang balita sa pagkabagsak ng eroplano.
