NATHAN:
LUMIPAS ANG MGA ARAW na palagi akong nakatambay sa harapan ng mansion ni Yoona. Pero kahit 24/7 akong nakamasid doon ay walang Yoona ang lumalabas. Hindi ko alam kung lumabas siya ng bansa o nasa bakasyon lang ito. Kahit gustong-gusto ko siyang makita, makausap ay wala naman akong magagawa. Hindi siya active sa social media kahit minu-minuto kong binibisita ang account nito.
Mapait akong napangiti na nagpahid ng luha. Nandidito ako ngayon sa puntod ni Mommy. Mag-isa. Hindi ko na kasi siya nadadalaw magmula noong napagpasyahan kong agawin ang kabit ni Daddy. Na buong akala ko ay si Yoona. 'Yon pala ay wala naman talaga dahil nililigawan pa lang ni Daddy ang ina nito. Ang nakagisnan niyang ina. Si Sydney Madrid. Isang international model sa France.
Natigilan ako na naipilig ang u
