“ITAPON mo na iyan sa basurahan,” utos ni Dani sa maid na akmang mag-aabot ng bulaklak sa kanya.
“Pero ma’am ga ̶ ˮ
“Galing kay Chris?”
Tumango lang ang maid.
Lalong uminit ang ulo ni Dani. “Ilang beses ko bang sasabihin sa inyo na ayokong tumatanggap ng bulaklak o kahit anong bagay na galing sa lalaking iyon! Bakit ba hindi kayo makaintindi?” singhal niya sa maid.
Natahimik ito at nakayukong tinalikuran siya nito.
Sa nakalipas na tatlong buwan ay halos araw-araw na dumadalaw sa bahay nila si Chris. Pinapapasok din naman ito ng mga maid sa bahay nila dahil iyon ang bilin ng papa niya. Pero lahat ng dinadala nito sa kanya, bulaklak man o pagkain ay hindi niya tinatanggap. Ipinababalik niya ito kay Chris na tinatanggihan naman nito. Kaya ang ending sa basurahan ito dumidiretso, kung h
