Malungkot na lumabas itong dalaga sa kuwarto ng anak. Sa isip niya ay napakabata pa nitong si Cj para masabi 'yon at baka nadadala lamang ito marahil nang galit dahil sa nangyari rito sa school.
Pero aminado siya na daig pa ng anak ang ibang bata na kasing edad niya dahil para itong matanda kung mag-isip.
"Paano na lang kung kan'ya pa malaman ang nangyari sa Ninang Fate nila at kung ano ang nagawa nito?" sambit sa sarili ni Amilah na nag-aalala kaya napakunot ito ng noo.
"Masiyado pang bata ang anak ko para maapektuhan nang ganito. Siguro kapag si Cj ay magaling na, saka ko na lamang siya kakausapin nang mabuti." bulalas nito sa sarili habang naglalaro ito sa isipan nang bigla siya mabunggo sa matangkad na lalaki.
"Kung saan-saan naman kasi nakatingin ang matang 'yan, ano ba ang inii
