THE CALL GIRL
BY: JOEMAR ANCHETA (PINAGPALA)
CHAPTER 58
Narinig niya ang pagbunot ni Klein ng isang malalim na hininga. Niyakap siya nito. Hinalikan siya sa labi ngunit maagap si Leigh na inilayo ang labi.
“Ano na naman ‘yan?”
“Isang halik lang sa labi. Mahirap ba ‘yon? Hindi pa rin ba pwede akong pagbigyan?”
“Huwag mo kasi akong binibigla ng gano’n.”
“So, okey lang kapag di kita binibigla.”
“Ewan.”
“Di ba nahahalikan naman na kita.”
“Oo, kapag ganyang nagnanakaw ka.”
“Di ba kasama na sa package ang halik sa labi? 3,500 na wala pa ring kiss? Ang mahal naman kung sakaling hindi pa pwede?”
Huminga ng malalim si Leigh. Halik sa labi.
Hinawakan niya ang pisngi ni Klein. Tinitigan niya ang mukha nito. Mamula ang pisngi at labi nito. Makinis at maputing mukha. Pinakiramdaman niya a
