Chapter Forty Four
MON
TULALA akong nakatingin sa papalayong likod ng dalawa.
Pucha, hindi ko maintindihan ang mga sinabi niya kanina.
Halos dalawang oras ko siyang hinintay para lang makasabay ko siyang mananghalian at kukunin ko rin sana ang pagkakataong iyon para humingi ng tawad mula sa pagsu-suplado ko sa kanya kaninang umaga ngunit nasira ang plano ko.
Ang hindi ko maintindihan ay kung bakit iyong walang hiyang lalaking iyon ang kasama niya at kung bakit tila galit at dismayado siya sa akin.
Pinigilan ko ang sarili at mabilis na umalis sa karinderya ni Aling Lucing patungo sa Unibersidad.
"Teka, tol! Saan ang punta mo?" Si Boy. Nakikipagkwentuhan siya sa mga kasamahan naming driver at kundoktor din.
"Diyan lang. Balik ako mamaya," seryosong sagot ko.
Hindi ko magawang magali
