Maaga siyang nagpahinga ngayon, at bukas na ang uwi nila. Sinamahan pa niya muna ang abwela ng asawa maghapunan. Kahit na ang sama sama ng loob niya ay pinakisamahan pa rin niya ito dahil wala naman itong kasalanan. Ang apo lang nito at si Alliyah. Buti nalang wala na ang ina at ang impakta at umuwi na raw. Buti naman! Nakikita din kasi niya itong parang may dinaramdam, ganito na siguro talaga pagmatatanda na. Kumusta na kaya ang mga magulang niya? Miss na miss na niya ang mga ito.
Hindi pa rin siya makatulog hanggang alas 11 na ng gabi. Maya maya narinig niya ang pagbukas ng kanilang pintuan at pagsarado ulit. Alam niyang si Ken na iyon. Kaya nagkunwari nalang siyang natutulog.
Dumiritso ito sa banyo. Pagkalipas ng ilang minutoy lumabas na rin ito. Siguro’y galing ito sa paglugo.
Maya
