Sofia
Nagpa-massage na siya pagkatapos niyang mag-shopping. Marami-rami rin ang kaniyang napamili. Nabilhan niya na rin ng damit ang kaniyang inaanak pati mga laruan. Dumaan din siya kanina sa bookstore para bumili ng ilang pirasong notebook at planner. Tumingin-tingin din siya ng mga bagong pocketbooks. Bumili siya ng dalawampung pirasong pocketbook. Babasahin niya iyon bago siya matulog sa gabi. Para mabilis siyang makatulog. Hirap kasi siyang makatulog kapag wala si Adrienne. Marami na siyang pocketbook na nabasa. Halos isang box na nga 'yung pocketbook niya na nakatabi sa kaniyang kuwarto doon sa bahay nila sa Batangas. Marami sa kaniyang mga kaklase noon ang humiram ng kaniyang ibang pocketbook. Pero nagkalimutan na at hindi na naisauli. Naipahiram niya pa naman 'yung mga paborito ni
