Sofia
Naghahanda na siya para pumasok sa eskuwelahan. Kinatok na siya ni Manang Jing para raw makapag-almusal na siya. Pagdating niya sa hapagkainan ay siya na lang pala ang hindi pa nakain ng almusal dahil kanina pa nakapag-almusal si Adrienne. Nauna na rin itong umalis para pumasok sa kanilang eskuwelahan.
Mamaya ang initial interview niya sa restaurant na ni-refer sa kaniya ni Kaori. Kinakabahan siya. Kasi ito ang kauna-unahang mararanasan niya ang job interview. May baon na siyang semi-formal attire para mamaya sa interview. Inilagay niya iyon sa kaniyang paper bag. Sa mall na lang siya magpapalit mamaya ng suot.
"Huwag kang kabahan. Mababait naman mga tao du'n. Saka mabait 'yung Manager. Kayang-kaya mo 'yan," wika ng kaniyang kaibigan habang nasa loob sila ng classroom. Vacant peri
