"Anong mukha iyan?" tanong ni Aly ng umupo siya sa tabi ko.
Maaga kasi akong nagising at naisipan kong tumambay na lang sa dalampasigan dahil maaga pa at tulog pa ang iba.
"Mukhang maganda." Tamad na sagot ko sa kaniya.
Narinig ko ang mumunting tawa nito pero ‘di ko na siya nilingon pa. Busy pa iyong utak ko sa kakaisip sa sinabi ni Jaime sa akin kagabi. ‘Di ko alam bakit sa dinami-dami ng kakilala niya ay sa akin pa siya humingi ng tulong. Anong tingin niya sa akin?
Nakakapagtaka rin kasi first time lang namin nag-meet. First time rin kami nag-usap noong nasa bahay nila kami. Pero sa lahat ng pwede niyang alokan ng ganoon ay bakit ako pa? Dahil ba sa umamin ako sa kaniya? Tin-nake advantage ba niya ‘yun? Kasi sa totoo lang hindi ko talaga alam. Nakakalito, nakakasakit ng u
