NAIILING si Thalia na nagpatuloy sa pag-drawing ng necklace na kasalukuyan niyang ginagawa ang disenyo. Plano niya sanang sabihin kay Radson kanina na mag-iwasan na silang dalawa. Para hindi na ulit sila magkasakitan. Na bibigyan niya ito ng isang buwan na palugid para ihanda ang sarili sa pagpapawalangbisa sa kasal nila. Pero naglahong parang bula ang mga plano niya nang kasama na niya si Radson.
Tatlong oras din silang nagkasama sa labas. Dahil napasarap ang kwentuhan nila sa coffeeshop at inabot sila ng dalawang oras doon. Kaya naman tumuloy na muna sila sa restaurant at nagtanghalian bago sila bumalik sa kani-kanilang trabaho. Gusto pa nga sana itong ihatid ni Radson sa trabaho pero tumanggi ito. Hindi pa kasi niya nasasabi kay Radson kung saan siya nagtatrabaho at kung ano ang posis
