BUMABA muna si Radson sa mini bar ng kanilang mansion. Kumuha ng dalawang bote ng whiskey at dinala pabalik sa silid nila ni Thalia. Nagtungo siya sa balcony. Naupo sa sulok at binuksan ang bote na direktang tinungga ang alak.
Napaungol pa ito at muntik masamid nang humagod ang init at pait sa lalamunan nito. Napailing ito na mapait na napangiting napatunghay sa ibaba. Pasado alasonse na pero marami pa rin silang bisitang nagkakasiyahan. Karamihan ay umiinom.
“Cheers, guys.” Aniya na mapaklang natawa sabay tungga sa bote.
Hanggang sa napaparami na ito ng naiinom. Naubos na nito ang isang bote at isinunod ang isa pang bote. Napailing ito na kita ang kakaibang lungkot at takot sa mga mata nitong mapupungay na. Bakas ang kalasingan sa itsura nito na hindi na maayos ang pagkakaupo. Bagsa
