“Edward…” sambit ni Trinity sa pangalan ng asawa niya.
Nakatayo siya sa bungad ng bukas na pinto habang nakatitig kay Edward. He was in a coma for four days and now he is finally awake. Walang paglagyan ang matinding galak sa puso niya at walang patid ang lihim na pagsambit niya ng pasasalamat.
“Mama!”
Nilapitan siya ng anak. Hinawakan siya nito sa kanang kamay at hinila siya tungo sa kama ng ama nito. Para kasi siyang natuod. Nakatitig kasi sa kanya ang asawa niya. Blangko ang titig nito at hindi niya nababakasan ng anumang emosyon. Ang mga mata nito ay marahan lang na kumukurap habang nakatitig sa kanya.
“Mama, si Papa! Mama, gising na si Papa!” muli ay untag ni Edmund sa kanya.
“I’m glad you're awake, Edward…” mahina niyang sambit.
Hindi sumagot ang asawa niya. Bagkos ay mataman
