“Perfect!”
Bulalas ng make-up artist pagkatapos nitong lagyan ng kolorete ang mukha ni Trinity. Hindi makapal ang makeup niya, katamtaman lang.
“You are so gorgeous, Mrs Villarreal! Hindi mo talaga kailangan ng maraming application sa mukha dahil natural na natural ang kagandahan mo!”
Napangiti siya sa papuri ng binabae na make-up artist. Isang malalim na paghugot ng hininga ang kanyang ginawa. Her heart keeps on pounding hard and fast. Napuno ng excitement ang buo niyang pagkatao.
Dalawang linggo lang ang preparation ng kanilang kasal. Katwiran kasi ni Edward ay lumalaki na ang tiyan niya. Gusto raw nito na iharap siya sa altar bago siya manganak upang magkaroon ng basbas ang kanilang pamilya.
Natatawa na lamang siya. Mag dalawang buwan pa lang naman ang buhay sa sinapupunan niya.
