NAGISING si Xavier sa sinag ng araw na tumama sa kanyang mukha. Napakurap-kurap siya. Una niyang nakita ang puting kisame. Inilibot pa niya ang tingin sa kwartong kinaroroonan niya. Puting pintura ang bumalot sa kabuuan nito. May ilang kagamitan siyang nakita. Sofa, mesa, tv at huling napansin niya ang stand ng dextrose na nasa tabi niya. Doon niya napagtanto na nasa hospital siya.
Agad siyang bumangon mula sa pagkakahiga ngunit napangiwi siya nang gumuhit ang sakit sa kanyang ulo. Nasapo niya ang noo. Doon na siya napadaing nang sumunod na kumirot ang bali niya sa kaliwang braso. Natatandaan niyang sinipa ito ng isa sa tauhan ng sindikato.
Nasa ganoon siyang posisyon nang bumukas ang pinto ng kwarto niya at pumasok ang kanyang ama.
"You're awake!" Masiglang bati nito. "How's your fe
