Chapter 38
ELAYZA
Napatingin sa akin si Sir Arc.
"Are you ok?" tanong niya sa akin habang nakaupo kami sa isa table.
Tumango ako at tipid na ngiti ang binigay sa kanya.
"O-Okay lang naman."
"Ehh, ba't parang matamlay ka?" kunot-noong tanong ni Sir Arc.
Nakagat ko ang ibabang parte ng labi ko. Ilang minuto ng nakaalis sa harapab namin si Ms. Hilda pero parang nandito pa rin siya. 'Yong seryoso at puno ng panganib niyang mga mata ay rumehistro sa utak ko. Pakiwari ko ay nasa paligid lang siya... pinagmamasdan ako.
"W-Wala S- este Arc."
Naningkit ang mga mata ni Sir Arc at pinagkatitigan ako. Kaya naman napilitan tuloy akong magsalita.
"A-Ang Mommy mo kasi. Parang hindi niya ako gusto. I mean... hindi niya gustong kasama mo ako dito sa party," pag-aamin ko sa mahinang boses.
