Kabanata 27
Ilang araw na rin ang lumipas at kahit papaano’y unti-unti na ring naayos ni Arella at Sean ang pagsasama nila. Sa likod ng mga pagsubok na dumating sa kanila ay mas pinili na lamang ni Arella na tatagan pa lalo ang sarili. Pipiliin pa rin n’ya ang maniwala kay Sean dahil sa mahal nga n’ya talaga ang asawa.
Iyon naman ang nararapat sa tingin n’ya at naisip n’yang hindi sagot ang hiwalayan sa problema nila. Napatunayan na rin naman ni Sean sa kanya na wala talagang namagitan sa kanila noon ni Cedrine at lahat ng iyon ay gawa-gawa lang ng desperadang babae.
“Morning.” Bati ni Arella sa asawa nang madatnan n’ya itong nasa hapagkainan na.
“May lakad ka, sweetheart?” Tanong ni Sean sa kanya pagkatapos n’ya itong gawaran ng halik sa labi. Umupo s’ya sa bakanteng upuan sa gilid ni
