Chapter 53
“Ano ang nararamdaman mo ngayon?” tanong ni Robin kay Alex.
Malalim itong bumuntong hininga. Iniayos nito ng higa si Klie sa kama at pagkatapos ay lumapit ito sa kaniya. Kinuha ni Alex ang mga kamay niya at hinalikan ang mga iyon. Para ba siyang nananaginip. Bumalik na si Alex, nasa harapan niya ito, ang pagmamahal sa mga mata nito ay naroon na.
“I don’t feel... good.”
Nang marinig niya ang sinabi ni Alex ay kaagad siyang nakaramdam ng pag-aalala. Akala ba niya ay wala nang itim na mahika sa katawan nito?
“Kailangan kong tawagin muli sila Maxis para ulitin ang pagtingin sa iyo. Kailangan natin masigurado na wala nang itim na mahika sa katawan mo. Ano pa ba ang—
“Baby, calm down... I don’t feel good because of what my father said, hindi na ito tungkol sa itim na mahika.”
