Chapter 28
“Hindi ko alam na alam mo ang tungkol sa anak ko, Dravis.”
Naglalakad sila ngayon ni Dravis sa likod ng kastilyo. Nang sabihin niya na nais niya itong kausapin ay nagulat ito at hindi kaagad naniwala noong una. Gusto lamang linawin ni Robin ang tungkol sa kaniya at sa kaniyang anak. Lalo pa at nang sabihin niya na wala na ito ay naroon si Dravis. Ngunit hindi niya alam na may alam ito sa totoo.
“Sinabi sa akin ni Hexus. Hindi rin ako makapaniwala noon una, pero nang ikwento niya sa akin ang buong pangyayari doon ako nagkaroon ng ideya sa ‘yo at kay Alexander. Wala rin naman akong alam tulad ng iba, pinili lang ng iyong kapatid na pagkatiwalaan ako. At para sabihin niya sa akin ang ganoong sikreto, hindi ko dapat sayangin iyong tiwala na ibinigay niya.”
Kung ganoon ay tama
