HERA'S
“LET'S leave.” aniya habang hinahatak ang isa kong kamay. Isang oras din kaming nagtagal sa opisina ni Blaze dahil marami siyang kinwento sa akin. Sabi niya pa ay isa raw secret ninja si Blaze at siya raw ang kapatid ng mga ninja turtles. Mabuti na nga lang at hindi 'to narinig ni Blaze dahil kung hindi ay mag-aapoy na naman sa pagitan nilang dalawa. 'Yung tungkol naman sa bintana ni Blaze, gumagawa lang daw 'to ng kwento na kaya kaming tingnan ng mga tao sa labas. Siguro wala raw sa matinong kaisipan si Blaze kaya nasabi 'yon, nung tinanong ko siya kung paano niya nalaman. Lagi pala itong sinasabi ni Blaze sa kan'ya kapag pumupunta siya sa opisina nito.
Papunta kami ngayon sa bahay na ipinatayo ko sa Pampanga, para sa akin 'yon upang kapag nagkapamilya na ako ay doon kami titira.
