LANCE POV
Tahimik akong naglakad pabalik sa venue, matapos kong makausap si Erries. Kitang-kita ko sa kanyang mga mata ang halo-halong emosyon. Ngunit, nangingibabaw sa kanya ang galit, kahit pa nakikita kong nag aalala siya sa akin.
Hindi pa rin ako makapaniwala sa mga nalaman ko, sa totoong pagkatao niya at maging sa lihim na relasyon ni Cassy kay Raymond. Hindi ko aakalain na may ganoon rin pa lang nangyayari sa kanya. Aamin kong, medyo dismayado rin ako sa mga nalaman ko. Hindi ko aakalain na magagawa iyon sa akin ni Cassy, kahit pa sabihing hindi siya ang babaeng hinihintay kong makasama at minahal ay talagang nakakapanghinayang rin ang pinagsamahan namin. Pakiramdam ko ay talagang niloko niya ako, kahit pa ganoon rin naman ako sa kanya. Subalit, ang relasyon ni Raymond at Chandrie
