“Saan ka galing?”
Napatingin si Stephanie kay Miguel na prenteng nakaupo sa sofa sa loob ng kanyang condo unit. Ngumiti siya at ipinakita ang bitbit niyang mga shopping bags. “Nag-shopping. Bakit, na-miss mo ba ako, Miguel?”
Matibay ang alibi niya. Pagkatapos may utusan na pasyenteng nangangailangan ng pera pambayad sa ospital na maglagay ng lason sa pagkain ay kaagad siyang nagpunta sa mall upang mamili ng damit. Tinawagan niya pa ang ilan sa mga kaibigan niya para samahan siya. Ngunit sa gulat niya ay pagak na tumawa ang kanyang nobyo.
“Nag-shopping pagkatapos mo haluan ng kung ano ang pagkain sa Medical Center? ‘Yon ba ang ginawa mo, Stephanie?”
Bagaman nabiglaanan ay hindi siya nagpatinag. Mahina siyang tumawa at ipinatong ang mga pinamili sa dining table bago dumiretso sa ref. “An
