BITBIT ni Zoey ang folder nang maglakad siya papasok sa loob ng Mansion nila. Pagpasok niya sa loob ay hindi niya maiwasan ang makaramdam ng bahagyang kirot ang puso niya nang maalala ang Papa niya. Sa pagkakataong iyon ay hindi na lang ang Mama niya ang maalala niya do'n. Kundi pati na din ang alaala ng Papa niya.
Kinagat naman ni Zoey ang ibabang labi ng naramdaman niya ang pamamasa ng mga mata dahil sa nagbabadyang emosyon sa sandaling iyon. Ramdam pa din ni Zoey ang sakit sa pusi niya sa pagpanaw ng Papa niya. Tumingala naman siya para hindi tuluyang pumatak ang luha sa kanyang mga mata.
Ilang sandali pa siyang nanatili sa ganoong posisyon hanggang sa tuluyan siyang pumasok sa loob.
"Ma'am Zoey," wika ng isang katulong nang makita siya nito.
Isang ngiti lang naman ang isinagot
