~Monique Esteban~
[Marco Moretti]
Continuation of flashback…
Nagising ako sa mga ungol at daing na umaalulong mula sa lugar na tila kuwartng kulob, walang pinto, walang bintana. Parang may mga kaluluwang pinapahirapan sa dilim, mga tinig na sabay-sabay umiiyak, humihingi ng awa, at namimilipit sa sakit. Tumindig ang balahibo ko. Akala ko panaginip lang, pero habang tumatagal ang mga ungol, kasabay ng kalansing ng mga bakal at hagupit ng bawat hampas ng latigo sa balat ng tao, alam kong totoo iyon.
Nanatili akong nakahiga sa kama at hinigpitan ang kapit sa kumot. “Anong nangyayari sa paligid? Sino ‘yung mga pinapahirapan?” bulong ko sa sarili. Lalo akong nataranta nang marinig ko ang isang malakas na sigaw ng isang babae. Pagkatapos ay mahinang halinghing hanggang sa maging malakas na u
