~Elziel Dela Cruz~
[Coming Back]
Ang gaan ng naging pakiramdam ko. Isang linggong punong-puno ng pagmamahal ng asawa ko. Pinaramdam niya sa akin kung paano maging prinsesa. Iyong madalas na pananakit ng ulo ko at pagkahilo, gawa lang siguro ng stress. Pahinga at appreciation bilang asawa lang pala ang kailangan ko.
Pag-uwi namin ni Maverick galing Canada, naisipan kong magsulat ng love letter para sa kanya. Hindi ko man alam kung anong isusulat ay bahala na kung ano ang maisipan.
Pagdating ko sa kwarto namin ay umupo ako sa desk at humanap ng magandang papel na pagsusulatan ko ng love letter. Pagkatapos ay ballpen naman. Hanggang sa isang kakaibang ballpen ang nahugot ko mula sa penholder. Hindi ito kakaiba in a sense of physical appearance, parang ordinaryong ballpen lang.
Pero na
