~Marielle Martinez~
[Chapter 10 Book2]
Nagulat ako nang biglang dumating si Vince. Hindi ako maka react agad. Bakit siya nandito? Paano niya nalaman? Nag-usap na ba sila na magkikita dito? Akala ko pa naman ay masosolo ko si Brix sa “date” namin.
Parang natigil ang oras sa pagitan ng titig ni Vince at ni Brix. Sa tingin ko ay may hidwaan silang magkapatid. Ang lakas ng presensya ni Vince na nasa tabi ko, ang init ng braso niyang halos dumadampi sa akin, na para bang sinasadya niyang ipaalam na naroon siya. Ewan ko ba, crush ko si Brix pero ang presensya ni Vince ay nagdudulot ng matinding tensyon sa bawat himaymay ng pagka babae ko.
“May kailangan ka ba?” kalmadong tanong ni Brix, ibinaba ang kubyertos niya. Hindi siya nakangiti, pero mababa ang boses pero parang mas lalong nakakakaba.
