Kung hindi pa niya nahaplos ang kanyang pisngi, hindi pa matatanto ni Mira na umiiyak na pala siya. Umiiyak na naman pala siya. Pang-ilang araw na ba na ganito siya? Hindi niya na mabilang kung ilang araw na dahil wala naman siyang ginawa kundi ang tumunganga sa loob ng mansion.
Kung hindi sa hanging garden at kwarto, sa opisina siya ni Zech Leon naglalagi. Simula ng araw na muntik na siyang makidnap, iyon din ang araw na huling beses niyang nakita si Zech Leon. Hindi man lang siya nito pinuntahan sa hospital nang mahimatay siya. Hindi man lang nito inalam ang lagay niya matapos siyang duguin at muntik ng mapahamak ang baby niya.
At ang mas masakit pa, mas nauna pa itong umalis sa kanya ng gabing iyon. Ang sabi sa kanya ni Ms. Jean, nang pumunta siya
