Ikalabing-dalawampu na Kabanata
Ang digmaan
Point of View: Third Person
Naputol ang malalim na pag-iisip ng ikalawang prinsipe nang marinig ang boses ni Rhonwen sa labas ng kaniyang silid. Pinapasok niya ito bago pinagkatitigan. Nababakas niya ang pagkalito sa mukha nito na kaniya ring ikinabahala.
“Inaasahan daw po ang presensiya ninyo, mahal na prinsipe. Magkakaroon ng pagpupulong ukol sa paglusob sa grupo ng Black Knights.”
Saglit pang natigilan bago pabalang na napatayo ang ikalawang prinsipe. “Ano! Ano’ng iniisip ng mahal na hari?” Hindi niya maiwasang hindi magtaas ng boses dahil sa nalaman.
Iilan lamang silang nakaaalam tungkol sa nasabing grupo, at ang pagpupulong na sinasabi ni Rhonwen ay hindi magandang balita. Ibig sabihin lamang nito ay may balak na talaga ang mahal na h
