Hays, nakakabwiset talaga, oh! Akala ko pa naman ay hindi na siya babalik kasi nagpaalam na siya tapos ngayon, kumakatok na naman siya ng pinto.
"Ate, buksan mo ang pinto!" hiyaw nito.
Diyos ko, pigilan ninyo po ako kasi talagang matatadyakan ko na ang kapatid kong ito. Bahala na nga siya sa buhay niya! Kung balak niyang sirain ang pinto, so sirain niya. Sakit ng katawan ko, eh. Wika niya sa kaniyang sarili.
Marahan niyang hinila ang kaniyang kumot upang ibalot ito sa kaniyang buong katawan.
"Ate, ano ba? Bahala ka, talagang mapipilitan akong buksan ito," muling hiyaw ng kaniyang kapatid. Mayroon kasi itong duplicate key ng pinto ng kaniyang kuwarto.
Hindi niya na lang ito pinansin at kunwari ay wala siyang narinig. Tinakpan niya na lang kaniyang kumot ang kaniyang mukha at ipinikit
