"Ang ganda nitong bigay sa 'yong dress, Ate. Alam mo bang napakamahal nito? Gucci 'to, Ate, Gucci! Naku, sana all na lang talaga. Alam mo ba kung magkano ito? Aabot ito ng five thousand dollars! Dito sa Pilipinas, ang halaga niya ay umaabot na two hundred fifty thousand pesos!" bulalas nito habang pinagmamasdan ang dress na hawak nito na ni regalo kay Yoona.
"Two fifty thousand pesos?! Seryoso ka, Avery?! Dapat pala, hindi ko na tinanggap 'yan dahil mahal pa 'yan sa buhay ko," gulat na sabi niya. Hindi niya akalaing mamahalin pala at branded ang mga niregalo sa kaniya ng boyfriend niya.
"Oo, sobrang mahal talaga. Pero kung ayaw mo nito, bigay mo na lang sa 'kin," wika ng kaniyang kapatid.
"Kung tadyakan kaya kita riyan! Pero ayokong suotin 'yan kahit bagay pa sa 'kin baka kasi pagdud
