Hindi makatulog si Yoona dahil sa kaiisip sa relasyon nila ni Lune Bleue, mahal na mahal niya talaga ito nang sobra.
"'Nak, gising ka na kaagad? Wala ka nang pasok sa trabaho ngayon, hindi ba?" bungad ng kaniyang ina sa kaniya nang makita siya sa kusina.
"Hindi po ako Mama, makatulog," wika niya. Naupo siya sa isang silya roon at huminga siya nang malalim.
"Gano'n talaga ang buhay, pero kailangang magpakatatag ka dahil walang ibang makatutulong sa iyo kung hindi sarili mo. Alam kong kaya mo 'yan, 'wag kang mag-alala dahil narito kami sa tabi mo, hinding-hindi ka namin iiwan." Marahan siyang hinaplos sa balikat ng kaniyang ina at niyakap siya nito, "Naku, dalagang-dalaga ka na talaga," dagdag pa nito.
"Opo, Mama. Alam kong sa una lang po ito. Sobrang sarap umibig pero nakakabaliw po p
